५०० बढी संक्रमित भएका जिल्लामा निषेधाज्ञा, २०० बढी भएमा बन्दाबन्दी गर्न सरकारको निर्देशन

 सरकारले कोरोना भाइरसको सङ्क्रमण ५०० भन्दा बढी भएका जिल्लाहरुमा निषेधाज्ञा गर्न निर्देशन दिएको छ । २०० भन्दा बढी सङ्क्रमित भएका जिल्लामा बन्दाबन्दी गर्न निर्देशन दिएको छ ।

स्वास्थ्य तथा जनसङ्ख्या मन्त्रालयले आज आयोजना गरेको नियमित पत्रकार सम्मेलनमा मन्त्रालयका प्रवक्ता डा.जागेश्वर गौतमले कोरोना भाइरसको वढ्दो संक्रमणलाई रोक्नका लागि यस्तो व्यवस्था गरेको बताए ।

५०० भन्दा बढी सङ्क्रमित भएका जिल्लाहरुमा निषेधाज्ञा गरिने छ । २०० भन्दा बढी सङ्क्रमण भएका जिल्लामा बन्दाबन्दी गर्न सबै जिल्ला प्रशासन कार्यालयलाई निर्देशन दिइएको छ, उनले पत्रकार सम्मेलनमा जानकारी दिए ।

हाल नेपालमा ५०० भन्दा बढी सङ्क्रमित भएका १२ वटा जिल्लाहरु मोरङ, सुनसरी, बारा, महोत्तरी, धनुषा, रौतहट, सर्लाही, पर्सा, चितवन, काठमाडौँ, ललितपुर र रुपन्देही रहेका पत्रकार सम्मेलनमा डा.गौतमले बताए ।

अहिले कोभिड–१९ को खोप विश्वमा बनेर पनि परीक्षणको क्रममा रहेको बताउँदै उनले खोपको सफल परीक्षणपछि नेपालमा ल्याउने जानकारी दिए ।