एक वर्षका लागि ओम्नी समूह कालोसूचीमा

सार्बजनिक खरिद अनुगमन कार्यालयले सार्वजनिक खरिद प्रक्रियामा सहभागि हुन नपाउने गरी ओम्नी समूहलाई एक वर्षसम्म कालोसूचीमा राखेको छ ।

स्वास्थ्य उपकरण खरिद प्रक्रियामा सामेल भएको ओम्नी समूह यसअघि विवादमा परेको थियो । अनुगमन कार्यालयले अब ओम्नीलाई एक वर्षका लागि अन्य खरिद प्रक्रियामा सहभागी हुन नपाउने गरी कालोसूचीमा राखेको हो ।

नेपाल सरकार प्रधानमन्त्रीको कार्यालय, सार्बजनिक खरिद अनुगमन कार्यालयले आज एक कालोसूचीमा राखिएको सूचना प्रकाशित गर्दै ओम्नीलाई एक वर्षसम्म अन्य खरिद प्रक्रियामा सहभागी हुन नपाउने गरी कालोसूचीमा राखेको जनाएको हो ।

कार्यालयले ललितपुर महानगरपालिका, वडा नं ३, कृष्णगल्लीमा रहेको ओम्नी बिजनेस कर्पोरेट इन्टरनेशनल (ओबीसीआई) सहित ३ वटा अन्यलाई पनि कालोसूचिमा राखेको जनाएको छ ।
अरुण कन्स्ट्रक्सन, मैवाखोला १, ताप्लेजुङ, वी.टी/टौदह/फस्कु जे.भी. (वी.टी निर्माण सेवा बत्तिसपुलती, टौदह कन्स्ट्रक्सन चाल्नाखेल र फस्कु निर्माण सेवा फस्कु दोलखा) रहेका छन् । ओम्नी र अरुण कन्स्ट्रक्सनलाई एकएक वर्ष र वी.टी/टौदह/फस्कु जे.भीलाई दुई वर्षका लागि कालोसूचीमा राखिएको छ ।

सार्बजनिक खरिद ऐन, २०६३ को दफा ६३ को उपदफा १ बमोजिम कालोसूची प्रकाशित भएको मितिदेखि लागु हुने उल्लेख छ । कालोसूचीमा परेकाहरुले तोकिएको अवधिभर सार्बजनिक निकायको कुनैपनि खरिद कारबाहीमा भाग लिन नसक्ने भएका छन् । source-safalawaj.com