म्याग्दीका ३७ जना सहित गण्डकीमा थप ६१६ मा संक्रमण पुष्टि

पछिल्लो २४ घण्टामा कास्की जिल्लामा थप १९१ जनामा कोरोना संक्रमण पुष्टि भएको छ ।

पछिल्लो २४ घण्टामा  १ हजार २६२ जनाको नमुना परीक्षण गरिएकोमा गण्डकी प्रदेशमा थप ६१६ जनामा कोरोना पोजेटिभ देखिएको विज्ञप्ति मार्फत निर्देशनालयले उल्लेख गरेको छ ।

म्याग्दीका ३७ जना सहित कास्कीका १९१, पर्वतका १३ जना, गाेरखाका ८३ जना, लमजुङका १९  जना, तनहुँका २३  जना, बाग्लुङका १०० जना, स्याङ्जाका ७२  जना र नवलपुरका ७८ जना गरी प्रदेशका ९  जिल्लामा ३२० पुरुष तथा २९६ जना महिलामा कोरोना पुष्टि भएको हो ।

योसँगै गण्डकी प्रदेशमा कोरोना संक्रमितको कुल संख्या ७० हजार २६७ पुगेको छ। पछिल्लो २४ घण्टामा ४३५ जना निको भएसँगै प्रदेशमा संक्रमणमुक्त हुनेको संख्या ६३ हजार २९१ पुगेको छ ।

गण्डकीमा थप ९ जनाको कोरोना संक्रमणका कारण मृत्यु भएको छ । हालसम्म कोरोना संक्रमणका कारण प्रदेशभर ज्यान गुमाउनेको संख्या १ हजार ११८ पुगेको छ।