गण्डकी प्रदेशसमेत पश्चिमका केही स्थानमा भारी वर्षा

जल तथा मौसम विज्ञान विभागको मौसम पूर्वानुमान महाशाखाले पश्चिम भूभागमा केही स्थानमा भारी वर्षाको सम्भावना रहेकाले सतर्क रहन अनुरोध गरेको छ ।

शनिबार राति पनि बागमती, गण्डकी, प्रदेश ५ र सुदूरपश्चिम प्रदेशमा भारी वर्षाको सम्भावना रहेको मौसमविद समिर श्रेष्ठले जानकारी दिए । २४ घण्टामा ५० मिलिमिटरभन्दा धेरै पानी परेमा भारी वर्षा मानिन्छ ।

मनसुनी न्युन चापीय रेखा पश्चिम भूभाग नजिक रहेकाले पश्चिम क्षेत्रमा बढी वर्षाको सम्भावना देखिएको हो । पश्चिम क्षेत्रमा एकैछिन आकाश खुले पनि एकैछिनमा बादल लाग्ने र वर्षा हुने छ ।