एमाले स्थायी कमिटी बैठक जारी, नेपाल समूहको स्थायी कमिटी बैठक क्वालिटी ब्यांकेटमा

नेकपा एमालेको स्थायी कमिटी बैठक सुरु भएको छ।

च्यासलस्थित पुष्पलाल स्मृति प्रतिष्ठानमा जारी बैठकले पार्टीका केन्द्रीय विभागहरूलाई पूर्णता दिने जनाइएको छ। यस्तै, पार्टीको विधान अधिवेशनको तयारी, पार्टीभित्रको विवाद, समसामयिक राजनीतिक घटनाक्रमलगायत विषयमा बैठक केन्द्रित हुने एमाले केन्द्रीय कार्यालय सचिव शेरबहादुर तामाङले बताए।

बैठकमा एमाले नेता माधवकुमार नेपाल र बामदेव गौतम सहभागी छैनन्।

नेपाल समूहको स्थायी कमिटी बैठक क्वालिटी ब्यांकेटमा

नेकपा एमालेका वरिष्ठ नेता माधवकुमार नेपाल समूहको स्थायी कमिटी बैठक वुद्धनगरस्थित क्वालिटी ब्यांकेटमा सुरु भएको छ। बैठकमा एमालेको आन्तरिक एकता र राष्ट्रिय परिस्थितिबारे छलफल हुने बताइएको छ।

एकता कार्यदले दश बुँदे सहमति जुटाए पनि एमालेको एकता कायम भएको छैन्। नेपाल समूहमा पार्टी एकता, सत्तारुढ गठबन्धन र सरकारमा सहभागितालगायतका विषयमा एकमत छैन। बैठकले यी विषयमा समान धारणा बनाउने छ।