लकडाउनमा बढे वलात्कारका घट्ना

जिल्ला अदालत म्याग्दीले असार २८ र २९ गते दुई दिन बालिका तथा अपाङ्गता भएका महिलालाई जबरजस्ती करणी शिर्षक दर्ता भएका दुई–दुई वटा मुद्धामाथी फैसला गऱ्यो ।
असार २८ गते जिल्ला न्यायाधिस तेजनारायण पौडेलको इजलासले ६ वर्षिया बालिका बलात्कार गरेको कसुरमा बेनी नगरपालिकाका १५ बर्षिय बालकलाई १२ बर्ष ६ महिना कैद र तीन लाख जरिवाना क्षतिपूर्ति दिलाउने आदेश दिए ।
सोही दिन जिल्ला अदालतले मंगला गाउँपालिका, १ का ३३ बर्षिय पुरुषलाई सोही ठाउँकी १३ बर्षियालाई जर्वजस्ती करणी गरेको कसुर ठहर गर्दै २० वर्ष कैद र ४० हजार क्षतिपूर्ति दिलाउने आदेश गरेको छ ।
त्यसैगरी असार २९ गते जिल्ला न्यायाधिस पौडेलको इजलासले अपाङ्गता भएकी महिलालाई जर्वजस्ती करणी गरेको कसुरमा रघुगंगा गाउँपालिका, २ का ५२ बर्षिय पुरुषलाई १० बर्ष कैद र ५० हजार क्षतिपुर्ति भराउने आदेश गरेको छ । पौडेलको इजलासले यस मुद्धामा बलात्कार कसुरमा ८ बर्ष कैद र अपाङ्गता भएकी महिला भएकोले थप २ बर्ष कैद सुनाएको हो ।
न्यायाधिस पौडेलको इजलासले सोही दिन रघुगंगा गापा, २ की महिलालाई बलत्कार गरेको कुसरमा धवलागिरी गापा, ४ का ३३ बर्षिय पुरुषलाई ८ बर्ष कैद र ४५ हजार क्षतिपूर्ति दिलाउने आदेश गरेको छ ।
यी फैसलाहरु अदालतका प्रतिनिधीमुलक आदेश हुन । कोरोना संक्रमणको महामारी र लकडाउनका कहरका विच पनि जिल्लामा बलत्कार, वलत्कार प्रयासका, वालयौन दुरुपयोग, बालविवाह र बालिका बलात्कारका घट्ना धेरै भए ।
अदालतका सहसिलदार एवं सुचना अधिकारी भेषनाथ पौडेलका अनुसार जिल्ला अदालत म्याग्दीमा आव ०७७/०७८ मा जवजस्ती करणी शिर्षकमा दर्ता भएका १६ वटा मुद्धामध्य १० वटा मुद्धामा मात्र फैसला सुनायो । १० वटा मुद्धामध्य २ वटा मुद्धाका आरोपीले सफाई पाए । बाँकी मुद्धामा कसुर सावित भै सवै आरोपीले कैद सँजाय पाएका छन ।
त्यसैगरी जर्वजस्ती करणी प्रयासका ६ वटा मुद्धा दर्ता भएकामा ४ वटा मुद्धाका सवै आरोपीलाई कैद सँजाय पाए । वालयौन दुरुपयोग सम्बन्धी २ वटै मुद्धाका आरोपीले कैद सँजाय पाएका छन । अदालतमा यस वर्ष दर्ता भएको एउटै वालविवाहका मुद्धामा आरोपीले सफाई पाए । एउटा बालिकाको जर्वजस्ती करणी सम्बन्धी मुद्धामा फैसला हुन बाँकी छन ।
त्यसैगरी जिल्ला अदालतमा यस वर्ष दर्ता भएका ५ वटा वहुविवाहसम्बन्धी मुद्धा दर्ता भएकामा ४ वटा मुद्धामा अदालतले फैसला सुनाएको छ । फैसला सुनाईएको बहुविवाहका ३ वटा मुद्धामा केटी मात्र सफाई पाई विवाह बदर भएको छ ।
‘कोरोना संक्रमणको महामारी र लकडाउनका समयमा बालिका, अपाङ्गता भएकी महिलामाथी जर्वजस्ती करणी र करणीका प्रयासका मुद्धा धेरै दर्ता भए । धेरै मुद्धाका कसुर प्रमाणित भै दोषीले कैद सँजाय पाएका छन’ सूचना अधिकारी पौडेलले भने, ‘अदालतले बलत्कार, बलात्कार प्रयास र बालवालिका सम्बन्धी मुद्धालाई निरन्तर सुनुवाईमा राखेर फैसला गर्ने गरेको छ ।’