बेनपाका वडा नं ६ का योजना सम्पन्न

म्याग्दी, २४ असार ।

बेनी नगरपालिका वडा नं ६ मा संञ्चालित अधिकाँश योजना सम्पन्न भएका छन ।

वडा कार्यालयका अनुसार संञ्चालित ४८ वटा योजनामध्य ३२ वटा योजना सम्पन्न भै अन्तिम भुक्तानी भएको छ । थप १२ वटा योजनाको काम सम्पन्न भएपनि अन्तिम फरफारक हुन बाँकी छन । योजना संशोधन गरिएका ६ वटा योजनाको काम धमाधम भैरहेको छ ।

वडा कार्यालयले चालु आवमा तीन वटा विद्यालयको भौतिक पूर्वाधार, १२ वटा खानेपानी निर्माण/मर्मत, ५ वटा खेलमैदान निर्माण/मर्मत, ५ वटा सडक विस्तार/स्तरउन्नत, आमा समुह तथा सामुदायकी भवन ११ वटा, एउटा वनभोज स्थल, २ वटा पदमार्ग, मन्दीर, कृषी सहकारी भवन, जलाधार संरक्षण तर्फ चौतारी तथा पोखरी मर्मत, संभाव तथा संरक्षण, वाढीपहिरो नियन्क्रणका कार्यत्रम संञ्चालन गरेको थियो ।

‘सवै टुक्रे योजना थिए । १ लाखदेखी ५ लाखसम्म बजेटका । एक दुई अधुरा होलान नत्र सवै योजना सम्पन्न भै समुदाय लाभान्वीत भएका छन’ वडाध्यक्ष कृष्णबहादुर बानियाँले भने, ‘केही योजनालाई पछि संशोधन गर्नु परेकोले काममा ढिलाई भएको हो । हेर्दा स–साना भएपनि खानेपानी ब्यवस्थापन र आमा समुह/सामुदायीक भवन अति उपयोगी भएका छन ।’

देशभरका स्थानीय सरकारले सडक, ब्यवसायीक भवनका नाममा वलपिपल र चौतारी नास्दै गएको आरोप लागेका बेला बेनी नगरपालिका, ६ ले भने वरपिपल र चौतारी संरक्षणमा काम गरेको छ । चालु आवबाट वेनपा, ६ ले एक्लेपिपल र वतासे वरपिपल तथा चौतारी संरक्षण गरेको छ । त्यसैगरी बेनपा, ६ डम्बरामा वाल उद्यानसहितको वनभोज स्थल निर्माण गरेको छ ।

‘वरपिपल र चौतारी हाम्रा सांस्कृतिक आस्थाका धरोहर मात्र होईनन, पर्यावरणीय रुपमा पनि महत्वपूर्ण छन’ वडाध्यक्ष बानियाँले भने, ‘नयाँ पुस्तामा चौतारी खन्ने र वलपिपल रोप्ने चलन ठप्प छ, भावी सन्ततीलाई चौतारी भनेको यस्तो हुन्छ देखाउन पनि संरक्षण आवश्यक छ ।’