अरिङ्गाल खोज्दा भीरबाट लडेर मुत्यु

रिङ्गालको गोला खोज्न हिंडेका यहाँका एक युवाको भीरबाट लडेर मृत्यु भएको छ । बेनी नगरपालिका, ४ सिङ्गाका अर्जुन श्रेष्ठ (१८)को शुक्रवार अरिङ्गालको गोला खोज्दै हिँड्दा मंगला गाउँपालिका, २ तल्लो डडुवाको भीरबाट करिव एक सय ५० मिटर तल खसेको प्रहरीले जनाएको छ ।
घट्नास्थल पुगेका प्रहरी निरिक्षक धु्रव शर्माका अनुसार १०–१५ बर्ष उमेरसमुहका अन्य ४ जनासहित अरिङ्गालको गोलो खोज्न निक्लेका श्रेष्ठ भीरबाट चिप्लिएर केही तल खसेका थिए । मृतकको शव पोष्ट मार्टमकालागी बेनी पुर्‍याईएको छ ।
अरिङ्गालका लार्भा शक्तिवद्र्धक हुने विश्वासमा महंगो मुल्यमा विक्री हुने भएकोले यस क्षेत्रका हरेकले अरिङ्गालको गोला भीर र रुखहरुमा खोजी खोजी पोल्ने गर्छन । अरिङ्गालका लार्भा प्रति केजी ५ हजारसम्म खोसाखोस विक्रि हुने गर्र्छ ।