पहिरोमा पुरिएका घाईतेको दुई दिनपछि उद्धार

मंगला गाउँपालिका, ४ सिर्कुममा बुधवार विहान पहिरोमा परी घाईते भएकी ६० बर्षिया भीमकला वुढाथोकी र सुजिता छन्त्यालको दोस्रो दिन वल्न हेलिकोप्टरबाट उद्धार गरिएको छ ।
लगातारको भारी बर्षापछि घर भत्कदा च्यापिएर गम्भीर घाईते भएकी बुढाको कम्मरमुनीको भाग नचल्ने भएको थियो । छुट्टै पहिरोमा परी घाईते भएकी छन्त्यालको पनि सेनाको हेलिकोप्तरबाट उद्धार गरिएको हो ।
बुढाथोकी र छन्त्याल दुवै घाईतेलाई बुधवरा स्थानीयले बोकेर स्वास्थ्य संस्था पुऱ्याउन प्रयास गरेपनि पहिरोले पैदल मार्ग अवरुद्ध भएको र खराव मौषमको कारण हेलिकोप्टरबाट उद्धार गर्न समस्या भएको थियो ।
विहिवार स्थानीयले पहिरोमै पैदल बाटो बनाई घाईतेलाई बोकेर गाउँपालिका केन्द्र रहेको बाबियाचौर ल्याएपछि हेलिकोप्टरबाट उद्धार गरिएको प्रमुख जिल्ल अधिकारी गणेशबहादुर अधिकारीले बताए ।

तस्वीर राजु पाण्डे