देशभर थपिए ४४८ संक्रमित, कुल संख्या पाँच हजार ६२

स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएका परीक्षणमा आज शुक्रबार ४४८ जना कोरोना संक्रमित थपिएका छन् । यो अहिलेसम्मकै सर्वाधिक दैनिक वृद्धि हो।
यससँगै नेपालमा कुल संक्रमितको ५०६२  पुगेको छ। स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार २४ महिला र ४२४ पुरुषमा कोरोना संक्रमण देखिएको हो । अहिलेसम्म ७२ जिल्लामा सङ्क्रमण भेटिएको छ।

जेठ ३० गते शुक्रवार अपराह्ण ४:३० बजेसम्मको तथ्याङ्क

• ५,०६२कुल सङ्क्रमण
• ७२प्रभावित जिल्ला 

• विगत २४ घण्टामा पीसीआर परीक्षण ५,९२५
• चिकित्सकीय निगरानीमा अलग्गै४,१६९
• देशभरि क्वारन्टीनमा१,५८,०००+
• अहिलेसम्म निको८७७

स्रोतः स्वास्थ्य तथा जनसङ्ख्या मन्त्रालय