जलजलाले गर्‍यो ५० करोडबढीको बजेट सार्वजनिक

म्याग्दीसीमावर्ती जलजला गाउँपालिका, पर्वतले आव ०८१/०८२ को बजेट, निती तथा कार्यक्रम सार्वजनिक गरेको छ ।

जललजा गापाको बुधवार वारीबेनी स्थित ज्ञानगौरी रिसोर्टमा सम्पन्न गाउँ सभाको १८ औं गाउँ अधिवेशनमा पालिका उपाध्यक्ष दीपक आचार्यले संघ/प्रदेश सरकारबाट प्राप्त हुने समन्यीकरण तथा सर्सत अनुदान, राजश्व बाँडफाँड र पालिकाको आन्तरिक आय एवं मौजादगरी ५० करोड ४ लाख १३ हजारको बजेट सार्वजनिक गरेका हुन ।

त्यसैगरी प्रस्तावित ब्यय तर्फ संघिय, प्रदेश ससर्त अनुदान, संघ, प्रदेश समपुरक अनुदान तर्फ २८ करोड १५ लाख ३ हजार, गापा स्तरिय एवं वडाका पूर्वाधार विकास तर्फको पुंजीगत तर्फ २६ करोड १ लाख र कार्यालय संञ्चालन, कर्मचारी पारिश्रमिक तथा पदाधिकारी सुविधा समेत चालु खर्च तर्फ ९ करोड ५० लाख खर्च हुने प्रक्षेपण गरिएको छ ।

बजेट सार्वजनिक हुनु अघि गाउँपालिका अध्यक्ष राजु आचार्यले प्रस्तुत गरेको सुसासन सम्बन्धी कार्यविधी, आर्थिक ऐन, बार्षिक प्रगति प्रतिवेदन तथा आव ०८१/८२ को बजेट कार्यान्वयन गर्ने कार्यादेशसहितको निती तथा कार्यक्रम पेश गरेका थिए । अध्यक्ष आचार्यले पेश गरेका निती तथा कार्यक्रम समेत सवै विधयक र प्रतिवेदनहरु सभाबाट सर्वसम्मत पारित भएको थियो ।

जलजला गापाको बजेटमा गतवर्ष किचलो देखिएकोमा यस वर्ष भने राजनैतिक दल, सामाजिक संघसंस्थाहरु विच सर्वसम्मतगरी बजेट प्रस्तुत भएको छ ।