राजस्व सङ्कलन ११ खर्ब ७९ अर्ब र आर्थिक वृद्धि २.१६ प्रतिशत मात्रै हुने आँकलन

सरकारले आगामी वर्षको आर्थिक वृद्धिदर जम्मा २.१६ प्रतिशत मात्रै हुने आँकलन गरेको छ।चालु आर्थिक वर्षमा आधारभूत मूल्यमा २ दशमलव १६ प्रतिशतले आर्थिक वृद्धि हुने, चालु आर्थिक वर्षमा १५ खर्ब ४ अर्ब ९९ करोड रुपैयाँ बजेट खर्च हुने अनुमान गरिएको अर्थमन्त्री प्रकाशशरण महतले जानकारी दिए।

सोमबार संघीय संसद्को संयुक्त बैठकमा आर्थिक वर्ष २०८०र८१ को बजेट प्रस्तुत गर्दै अर्थमन्त्री महतले आगामी वर्ष आर्थिक वृद्धिदर २.१६ प्रतिशत बताएका हुन् ।

विश्व अर्थतन्त्रमा आएको शिथिलता र आन्तरिक कारणले न्यून रुपमा आर्थिक वृद्धि हुने आँकलन गरिएको उनले बताए । सोमबार संघीय संसदको संयुक्त बैठकमा आगामी आर्थिक बर्षको बजेट प्रस्तुत गर्दै अर्थमन्त्री महतले निजी क्षेत्रको मनोबल उच्च पार्ने र फराकिलो आर्थिक वृद्धि गर्नका लागि बजेट केन्द्रीत रहेको बताए।