म्याग्दीकाली संचार सहकारी संस्थाको अध्यक्षमा पुनः बिजय श्रेष्ठ चयन

म्याग्दीमा संचालनमा रहेको म्याग्दीकाली संचार सहकारी संस्था लि.को अध्यक्षमा पुन बिजय कुमार श्रेष्ठ चयन भएका छन ।
शनिवार बेनी स्थित म्याग्दी उद्योग वाणिज्य संघको सभा हलमा सम्पन्न संस्थाको छैठौं अधिवेशनबाट श्रेष्ठ अध्यक्षमा सर्वसम्मत दोहोरिएका हुन ।
अधिवेशनबाट कार्यसमिति उपाध्यक्षमा रामजी सुवेदी, सचिवमा सुविन श्रेष्ठ, कोषाध्यक्षमा ध्रुवराज सुवेदी, सह सचिवमा दुर्गाराम सुवेदी, सह–कोषाध्यक्षमा राजु बानियाा चयन भएका छन ।
त्यस्तै सदस्यहरुमा माधवप्रसाद रेग्मी, लिलाराम गौतम, बालबहादुर महत, महेन्द्र खत्री, लोकराज सुवेदी, रामप्रसाद सुबेदी, शिव भट्टचन, शैलेष श्रेष्ठ र बमबहादुर बरुवाल चयन भएका छन । लेखा समितिको संयोजकमा शिव प्रसाद केसी र सदस्यमा बिष्णु प्रसाद गौतम चयन भएका छन ।
अधिवेशनको बेनी नगरपालिका प्रमुख सुरत केसीले उदघाटन गर्दै म्याग्दीकाली संचार सहकारी संस्थाद्धारा संञ्चालित म्याग्दीकाली एफ.एममा समचार प्रमुखको रुपमा कार्यरतरहादा भोगेका कठिनाइ, पत्रधम्कीकाे स्मरण गर्दै बदलिदो परिस्थिती र राजनैतिक हस्तक्षेपले संस्था दिनप्रतिदिन कमजोर बनेको उल्लेख गरे । ‘सहकारी संस्थाद्धारा संञ्चालित केवुल टिभी र इन्टरनेट सेवा प्रदायक (आइएसपी) सेवा बन्द भैसकेको र चलेको एफएम पनि बन्द हुने अवस्थामा पुग्नु दुर्भाग्यपूर्ण रहेको छ’ मेयर केसीले भने, ‘संस्था र एफएमलाई सवैको साझा संञ्चारगृहको रुपमा विकसित गर्न सके अझै एफएमलाई जिवित राख्न सकिन्छ ।’
५३४ जना शेयर सदस्य रहेको म्याग्दीकाली संचार सहकारी संस्था लि.को ३ करोड ४ लाख ९९ हजार ५ सय रुपैयाा चुक्ता पुाजी रहेको छ । संस्थाले आव ०७९/८० मा केवल टिभी र इन्टरनेट प्रदायक विक्रिगरी १८ लाख १८ लाख ६५ हजार ९६५ आम्दानी गरेको छ ।
२०६४ सालमा स्थापना भएको संस्थाले हाल बेनी नगरपालिका ७ मंगलाघाटमा अवस्थित आˆनै भवनबाट कार्यालय संचालन गरिरेहेको छ ।