नेपालमा आज थप तीनजनामा कोरोना संक्रमण पुष्टि

आज राष्ट्रिय जनस्वास्थ्य प्रयोगशाला टेकुमा गरिएको परीक्षणमा थप तीनजनामा कोरोनामा संक्रमण पुष्टि भएको छ।
बाराका दुईजना र पर्साका एकजना गरेर तीनजनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
तीनैजनालाई उपचारका लागि वीरगञ्जस्थित् नारायणी उपक्षेत्रीय अस्पतालमा ल्याइएको मन्त्रालयका प्रवक्ता डा. विकास देवकोटाले बताए।
योसँगै नेपालमा संक्रमितको संख्या ५७ पुगेको मन्त्रालयले जनाएको छ।
आज भेटिएका संक्रमति यसअघि वीरगञ्जमा संक्रमित भेटिएका दुईजनासँगै सम्कर्पमा रहेको पुष्टि भएको मन्त्रालयले जनाएको छ।
उनीहरू एकसाथ भारतको दिल्लीबाट फर्किएका थिए। अहिलेसम्म नेपालमा १६ जना बिरामी निको भएर घर फर्किसकेका छन् भने ४१ जनाको आइसोलेसनमा उपचार भइरहेको छ।