जलजला पालिका स्तरिय दोस्रो अध्यक्ष कप भलिबल प्रतियोगिता सुरु

पर्वतको जलजला गाउँपालिकाको आयोजनामा एक लाख एक हजार पुरस्कार राशीकाे पालिका स्तरिय दोस्रो अध्यक्ष कप पुरुष भलिबल प्रतियोगिता सुरु भएको छ ।

गाउँपालिकाको वडा नम्बर ४ स्थित खोलाखेत युवा क्लबको खेलमैदानमा शनिबार देखि सुरु भएको वडा स्तरीय पुरुष भलिबल प्रतियोगिताको जिल्ला समन्वय समिति पर्वतका उपप्रमुख सोमबहादुर जिसीले उद्घाटन गरे ।

प्रतियोगितामा ९ वटै वडाका ९ टिमकाे सहभागिता रहेकाे छ । प्रतियोगिता आइतबार सम्म सञ्चालन हुने छ ।

प्रतियोगितामा पहिलाे हुनेले एकलाख एकहजार एकसय एघार रुपियाँ नगदसहित ट्रफी मेडल र प्रमाणपत्र, दाेस्राे हुनेले पचास हजार पाँचसय ५५ रुपियाँ ट्रफी मेडल र प्रमाणपत्र, तेस्राे हुनेले तीस हजार तीनसय ३३ रुपियाँ ट्रफी मेडल,प्रमाणपत्र र सान्त्वना हुनेलाई दश हजार एकसय एघार रुपियाँ ट्रफी मेडल र प्रमाणपत्र पाउने छन ।

प्रतियाेगिताकाे उद्घाटन खेल गाउँपालिकाका जनप्रतिनिधि र कर्मचारीका बीच मैत्रीपूर्ण भलिबल प्रतियोगिताको आयोजना गरिएको थियो । प्रतियोगितामा कर्मचारीको समुहलाई पराजित गर्दै जनप्रतिनिधिको समुह विजयी भएको थियो ।