म्याग्दीभरी हिमपात, वस्तीहरु विच्छेद

पर्यटकिय वस्ती घोडेपानी समेत जिल्लाको उच्च हिमाली क्षेत्रका वस्तीहरुमा शुक्रवार दिउँसोदेखी परेको बाक्लो हिमपातले जनजिवन प्रभावित भएको छ । हिमपातले पदमार्ग विच्छेद भै यात्रा संभव नभएपछि पर्यटकहरु अलपत्र परेका छन ।

हिमपातले पर्यटकीय क्षेत्र महरे, घोडेपानी÷पुनहिल, खोप्रा, गुर्जा लगाएत जिल्लाको अधिकांश वस्तीहरु हिउँले ढपक्कै ढाकिएको छ । हिमपातबाट पर्यटकीय छन्त्याल वस्ती गुर्जा, पर्यटकिय गन्तब्य घोडेपानी लगाएतका वस्ती  मानवसम्बन्धबाट विच्छेद भएको छ ।

‘दुई फिटजति हिउँ परेको छ । बाक्लोहिमपातले पुनहिल आएका पर्यटक रोकिएका छन । पैदलयात्रा पुरै अवरुद्ध छ’ पर्यटन ब्यवसायी टेकसर पुनले भने, ‘घोडेपानी वरपरका सवै डाँडाहरु हिउँले ढाकिएकोले हिमाल बनेका छन । पर्यटकहरु यात्रा रोकिएपनि हिउँ खेल्न रमाएका छन ।’ 

जिल्लाको प्रायः सवै वस्तीमा हिउँ परेको छ । १२ बर्षपछि वैंशीका वस्तीसम्मै हिउँ झरेको छ । लामो समयपछि बाक्लो हिमपातहुँदा चिसोले बृद्धबृद्धा, बालबालिका र न्यानो कपडा नभएका विपन्नको जनजीवन प्रभावित भएका छन । आकाशे पानीको सिंचाईमा निर्भर यहा“का अधिकांश ग्रामिण खेत र पाखोवारीको खेती प्रणालीमा झरी र हिमपातले राम्रो गरेको हो ।

‘शुक्रवार दिनमा घाम लागेको थियो । साँझदेखी एक्कासी मौषम परिवर्तन भै हत्तपत्त हिउँ नपर्ने वेंशीका बस्तीसम्म हिउ परेको छ’ अन्नपूर्ण गाउँपालिका, ६ घारकी सरिता बरुवालले भनिन्, ‘हिउँ खेल्न एक छिन रमाईलो भएपनि अधिक चिसो बढेकोले गाईवस्तु स्याहर्न र ग्रामिण जनजीवन थप कष्टकर भएको छ ।’

फोटो सौजन्य ः टेकसर बुद्धुजा, तारा पुन (घोरेपानी), निरोज निर्दोश (हिस्तान), राजु गर्वुजा (राम्चे)